Fərdi məlumatların Qorunması və Məxfilik

Fərdi məlumatların emalı həm Azərbaycan Respublikasının qanunvericiliyinə, həm də Avropa İttifaqının Ümumi Məlumatların Mühafizəsi Qaydalarına (GDPR) uyğun həyata keçirilməlidir. Bu tələblərə riayət edilməsi, xüsusilə Aİ bazarında fəaliyyət göstərən, Aİ-dəki şəxslərə xidmət və ya məhsul təklif edən, yaxud Aİ tərəfdaşları ilə əməkdaşlıq edən şirkətlər üçün mühüm əhəmiyyət daşıyır.

Xidmətlərimiz

• Fərdi məlumatların emalı proseslərinin hüquqi auditi
• Məxfilik siyasətlərinin, razılıq formalarının və daxili qaydaların hazırlanması
• GDPR tələblərinə uyğunluq proqramlarının hazırlanması və tətbiqi
• Məlumatların emalı haqqında müqavilələrin (DPA) və tərəfdaşlarla müvafiq razılaşmaların hazırlanması
• Fərdi məlumatların transsərhəd ötürülməsinin hüquqi əsaslarının və tələblərinin müəyyən edilməsi
• Məlumatların təhlükəsizliyinin pozulması hallarında atılmalı hüquqi addımlar üzrə məsləhətlərin verilməsi

Yanaşmamız

Komandamızda CIPP/E sertifikatına malik mütəxəssis yer alır. Uyğunluq tələblərini biznes proseslərinizə praktiki şəkildə tətbiq etməyə, hüquqi riskləri azaltmağa və eyni zamanda lüzumsuz inzibati yükün yaranmasının qarşısını almağa kömək edirik.

Konsultasiyaya hazırlıq

Əlinizdə olan sənədləri müraciətinizə əlavə etsəniz, hüquqşünasımız görüşə qədər onlarla tanış olacaq:

• Mövcud məxfilik siyasəti, razılıq formaları və daxili qaydalar
• Hansı məlumatları topladığınız və onları harada saxladığınız barədə qısa təsvir
• Məlumatları ötürdüyünüz tərəfdaşlar və xidmət təminatçıları ilə müqavilələr
• Məlumatlar xaricə ötürülürsə: hansı ölkələrə və hansı əsasla
• Məlumat sızması və ya şikayət varsa: hadisənin təsviri, tarixi və yazışmalar
• Fərdi şəxs kimi müraciət edirsinizsə: hüququnuzun pozulduğunu göstərən yazışmalar və ekran görüntüləri

Sənədlərin hamısı olmasa da müraciət edə bilərsiniz. Çatışmayanları birlikdə müəyyən edərik.